Ovdamearrádusgažaldatmeannudeapmi

Ovdamearrádusgažaldatmeannudeamis diggeriekti, hoavvariekti dehe márkanriekti sáhttá sirdit iežas gieđahallanvuloš ášši ovdamearrádusgažaldaga alimus rievtti čoavdima várás. Álgga ovdamearrádusgažaldaga sirdima alimus rievtti čoavdima várás sáhttá boahtit juogo áššegieđahalli duopmostuolus dehe áššeosolaččain.

Alimus riekti sáhttá váldit ovdamearridangažaldaga čoavdima várás, juos dat lea dehálaš lága guoskadeami dáfus eará seammalágán dáhpáhusain dehe riektegeavada ovttalašvuođa dihte. 

Ovdamearrádusgažaldaga čoavdima várás váldimii guoskaduvvojit muđuid heivvolaš osiid mielde váidalanlobi mieđiheami njuolggadusat. Juos ovdamearrádusgažaldat váldojuvvo čoavdima várás, dan čoavdimis guoskaduvvojit heivvolaš osiid mielde njuolggadusat, mat gustojit nuppástusohcama hoavvarievttis alimus riektái. Go alimus riekti lea čoavdán ovdamearrádusgažaldaga dehe mearridan orrut válddekeahttá gažaldaga čoavdima várás, de gažaldaga sirdán duopmostuollu joatká ášši gieđahallama. 

Áššeosolaččain alddiineaset lea ovddasvástádus riektegeavvangoluin, mat leat šaddan ovdamearrádusgažaldaga gieđahallamis.