Gieđahallama johtu

Nuppástusohcanášši gieđahallan‍

• Njuolggadusvuloš nuppástusohcamis ášši gieđahallan álgá, go váidalanlohpeohcamuš ja váidalus sihke hoavvarievtti áššegirjjit bohtet hoavvarievttis. Ášši boahtá johtui, go dat registrerejuvvo registrerendoaimmahagas.
• Ášši juhkkojuvvo juogo riidoáššiid almmolaš áššejovkui dehe ollahuhttin- ja rihkusáššiid áššejovkui. Áššejoavkku dikšu juohká ášši viidáseappot ášševálmmastallái.
• Juos áššis lea gáibiduvvon ollahuhttima gieldin, ášševálmmastalli ovdanbuktá dárbbu mielde ollahuhttinbivdaga ovtta lahttui. Lahttu mearrida, gildojuvvogo ollahuhttin.
• Dat, mieđihuvvogo áššis váidalanlohpi, čovdojuvvo ovtta, guovtti dehe golmma lahtu čoakkádusas ášševálmmastalli ovdanbuktimis.
• Juos váidalanlohpi ii mieđihuvvo, ášši gieđahallan alimus rievttis nohká ja čoavddus, mii lea váidalusa čuozáhahkan, oažžu láhkavuoimmi.
• Juos váidalanlohpi mieđihuvvo, alimus riekti ilmmuha váidaleaddjái lobi mieđiheamis ja bivdá váidaleaddji vuostebealis vástádusa. Vástádus sáddejuvvo diehtun váidaleaddjái.
• Váidalanášši čovdojuvvo golmma dehe viđa lahtu čoakkádusas dehe gievruduvvon čoakkádusas. Ášševálmmastalli ovdanbuktá ášši čoakkádussii.
• Čoavddus addojuvvo. Čoakkádus mearrida, almmustuhttojuvvogo čoavddus ovdamearrádussan.

Badjelmearálaš nuppástusohcanášši gieđahallan

• Áššit, mat gusket badjelmearálaš nuppástusohcama, leat láhkavuoimmi ožžon duomu burgin, guoddaleapmi ja massojuvvon mearreáiggi máhcaheapmi. Ášši lea johttáhuvvon, go dat registrerejuvvo registrerendoaimmahagas.
• Ášši juhkkojuvvo juogo riidoáššiid almmolaš áššejovkui dehe ollahuhttin- ja rihkusáššiid áššejovkui. Áššejoavkku dikšu juohká ášši viidáseappot ášševálmmastallái.
• Ášši čovdojuvvo ovtta, golmma dehe viđa lahtu čoakkádusas ášševálmmastalli ovdanbuktimis.
• Čoavddus addojuvvo.