Hálddahuslaš organisašuvdna

Alimus rievttis lea presideanta ja eará lahttun unnimusat 15 riekteráđi. Presideanta jođiha alimus rievtti doaimma ja doaibmá dievasčoahkkima ságadoallin.

Alimus riekti čoahkkana dievasčoahkkimii čoavdit ekonomiija- ja hálddahusáššiid ja láhkageavahanáššiid. Kansliijadoaibmagoddi válmmastallá dárbbu mielde gieđahallanvuloš áššiid dievasčoahkkimis ja čoavdá dihto bargoortnegis meroštallojuvvon áššit.

Kansliijahoavda fuolaha presideantta lagamus veahkkin das, ahte alimus rievtti doaibma geavvá áššáigullevaččat. Kansliijahoavda jođiha kansliija doaimma. Kansliijai gullet kommunikašuvdna, diehtobálvalus, registrerendoaimmahat ja virgebáikebálvalus.

Ášševálmmastallit válmmastallet alimus rievtti čoavdima várás boahtti láhkageavahanáššiid ja ovdanbuktet daid čoahkkimis juhkosii, mii dahká čovdosa. Sis leat veahkkin ášševálmmastallanveahkit. Áššit válmmastallojuvvojit guovtti áššejoavkkus. Vuosttaš áššejoavkku ráhkadit riidoáššit ja nuppi áššejoavkku ollahuhttin- ja rihkusáššit.