Áššiid dikšun

Alimus rievtti registrerendoaimmahat lea rabas árggaid d. 8.00–16.15. Registrerendoaimmahat váldá vuostá áššegirjjiid, mat doaimmahuvvojit alimus riektái ja doaimmaha bivdaga mielde čuovgakopiijaid sihke virggálaš kopiijaid áššegirjjiin. Kopiijain berrojuvvo máksu siidomeari mielde. Lassidiehtu mávssuin gávdno čuoggás Mávssut.

Go dagat áššegirjediŋgoma

• ilmmut ášši alimus rievtti diáranummára dehe eará spesifiserendieđu, dego nuppástusohcci olles nama, ášši čoavddusnummára ja jagi dehe hoavvarievtti diáranummára.
• fuomáš, ahte jagi 1980 boarrásit alimus rievtti almmolaš áššegirjemateriálaid sáhttá diŋgot Álbmotarkiivva doaibmabáikkis čujuhusas Rauhankatu 17, Helsset.
• fuomášathan maid, ahte juos áššegirji ii leat válmmasin elektrovnnalaš hámis, de lea jearaldat diŋgomis, mas berrojuvvo máksu. Áššegirjjiid skánnen dehe kopieren ja sádden juogo elektrovnnalaččat dehe báberhámis lea bálvalus, mas lea máksu. Dat guoská maid stuđeren-, dutkan- ja eará geavahanulbmiliid. Ovtta siiddu skánnen dehe kopieren máksá 60 sentte ja unnimusbearran diŋgoma guovdu lea álohii unnimusat 10 euro. Rehkega sáddema várás dárbbašit persovdna- dehe fitnodatdovddaldaga sihke máksosáddenčujuhusa.

Juos ozat lobi dieđuid oažžuma várás eiseválddi suollemassan doallan áššegirjjiin, gč. Diehtobivdda eiseválddi suollemassan doallan áššiin (suomagillii, oikeus.fi)

Juos háliidat guođđit váidaluslohpeohcamuša

Váidaluslohpeohcamušat galget doaimmahuvvot ášši maŋemus čoavdán beali, dego hoavvarievtti registrerendoaimmahahkii.

Go háliidat geavahit lohkansále

Alimus rievtti lohkansáles sáhttá oahpásnuvvat áššegirjjiide nuvttá d. 8.00–16.00. Covid-19 -epidemiija áigge lohkansálii beassá okta áššehas hávális. Go háliidat geavahit lohkansále

• várre áiggi lohkansále atnui ovddalgihtii registrerendoaimmahagas. Várrema olis bivdojuvvo ilmmuhit áššegirjjit, mat doaimmahuvvojit lohkansálii.
• ilmmut várrema vuollásaš alimus rievtti áššegirjjiid diáranummára dehe eará dohkálaš spesifiserendieđu.
• fuomášathan, ahte lohkansále kopiijamašiinna anus lea máksu. Kopiijamáksu lea 60 sentte siiddus ja unnimusmáksu lea álohii unnimusat 10 euro.

Kopiijan ja máksobálvalusain sáddejuvvo rehket

Kopiijaid ja eará mávssuid ii sáhte máksit áššehasbálvalančuoggás, muhto máksin dáhpáhuvvá go oaččut dain rehkega.

Lasi oktavuohtađieđuid gávnnat čuoggás Oktavuohtadieđut.

*Go sáddet šleađgaboastta registrerendoaimmahahkii, buhtte (at) mearkkain @.‍

Linkit

• Tilojen esteettömyys