Mávssut

Mávssut 1.1.2025 rájes

Riektegeavvanmáksu

Riektegeavvanmáksu lea 610 euro.

Nuppástusohcamis márkanrievtti čoavdán áššái alimus rievttis máksu lea seammasturrosaš ja mearrahuvvá seamma ákkaid mielde go márkanrievttis.

Riektegeavvanmáksu ii váldonjuolggadusa mielde berrojuvvo go priváhtaolmmoš váidala dáhkádusrievtti čovdosis (Duopmostuollomáksoláhka 5 § 1 mom. 2 čuokkis).

Válddus- ja kopiijamávssut

Fuomášathan, ahte reaidamáksimii ii leat vejolašvuohta. Máksu máksojuvvo báŋkui rehkegiin, mii ožžojuvvo registrerendoaimmahagas.

Dábálaš áššegirjebivdaga vuođul válmmastuvvon riektan duođaštuvvon válddus dehe kopiija lea 3 euro siiddus, áššeoasálaččas eanemusat 106 euro áššegirjjis.

Riektan duođašmeahttun A4-sturrodaga kopiija lea 0,70 euro siiddus ja A3-sturrodaga kopiija 1,40 euro siiddus, áššeoasálaččas eanemusat 106 euro áššegirjjis.

Suollemassandoallan sajiid sihkkun earenoamáš váivvi gáibidan vuogi mielde dehe eará danveardásaš earenoamáš doaibmabijuid gáibidan áššegirjebivdaga vuođul válmmastuvvon válddus dehe kopiija lea 4,30 euro siiddus, áššeoasálaččas eanemusat 222 euro áššegirjjis.

Váldosis dehe kopiijas berrojuvvo álohii unnimusat 10 euro máksu.

Skánnema gáibidan áššegirjji doaimmaheamis šleađgaboastta bakte ja telekopiijan doaimmahuvvon kopiijas berrojuvvo máksu dego ovddabealde.

Duođaštanmáksu

Diŋgomis addojuvvon duođaštusas berrojuvvo 37 euro duođaštanmáksu.

Bádde- dehe furkenmáksu

Jietna- dehe govvabáttis dehe furkemis, mii sisdoallá ášši gieđahallama, berrojuvvo diŋgojeaddjis bádde- ja furkengoluid lassin doaimmahusgollun 33 euro. Juos bátti dehe furkema doaimmaheapmi gáibida badjel guovtti diimmu barggu, doaimmahusgollun berrojuvvo guovtti diimmu badjelmanni guđege dievas diimmus 28 euro, eanemusat 673 euro (báddi 5 euro, cd 2 euro, muitosággi 5 euro).

Máksu, mii berrojuvvo dieđu ovdan ohcamis

Eiseválddi doaimma almmolašvuođas addojuvvon lága (621/1999) 34 § 2 momeanttas dárkkuhuvvon dieđu ovdan ohcamis berrojuvvo 22 euro/diibmu.

Goas máksu ii berrojuvvo?

Riektegeavvanmáksu ii berrojuvvo olbmos, geasa lea mieđihuvvon riekteveahkki, iige ovdamearkka dihte dalle, go alimus riekti rievdada rihkusáššis addojuvvon čovdosa loahppabohtosa, iige ovdamearkka dihte dalle, go alimus riekti rievdada rihkusáššis addojuvvon mearrádusa loahppabohtosa nuppástusohcci buorrin, dohkkeha badjelmearálaš nuppástusohcamuša dehe máhcaha dehe sirdá ášši ollislaččat nuppi eiseválddi gieđahallama vuollásažžan.