Nuppástusohcamušaid doaimmaheapmi
Doaimmat váidalanlohpeohcamuša ja váidalusa mearreáiggi siste dan duopmostuolu registrerendoaimmahahkii, man čovdosis don háliidat váidalit. Guoskevaš duopmostuollu sádde áššegirjjiid alimus rievtti registrerendoaimmahahkii.
Ohcamušat, mat gusket badjelmearálaš nuppástusohcama, doaimmahuvvojit njuolga alimusrievtti registrerendoaimmahahkii.
Áššegirjjiid doaimmahanvuohki
Don sáhtát doaimmahit áššegirjjiid alimus riektái persovnnalaččat, áššeolbmo dehe sáttatolbmo bakte, boastta bakte, šleađgaboasttain dehe fáksan. Sáddejeaddjis alddis lea ovddasvástádus áššegirjjiid doaimmaheamis. Áššegirjjit doaimmahuvvojit álohii alimus rievtti registrerendoaimmahahkii.
Juos geavahat šleađgaboastta, oaččut lihkostuvvan sáddagis automáhtalaš ilmmuhusa dehege vuostáváldinguitte. Duššefal alimus rievttis ožžojuvvon vuostáiváldinguite lea luohtehahtti čujuhus sáddema lihkostuvvamis. Juos don it leat ožžon vuostáváldinguitte, sihkkarastte iežat sáddaga mearrái ollema nu ahte válddát oktavuođa registrerendoaimmahahkii.
Riektegeavvanmateriálan dárkkuhuvvon čilgehusat galget leat áššegirjin dehe elektrovnnalaš fiilan čielgasat. Riektegeavvanmateriála ii galgga sáddejuvvot fierbmesiidduide čujuheaddji liŋkan dehe fierbmečujuhussan.
Lea ávžžuhahtti, ahte čuovusfiillat leat pdf- dehe eará dábálaš furkenhámis. Fiillat, mat leat hámis bat, cmd, com, cpl, emf, exe, pif, rar, scr, vbs dehe wmf, sillahuvvet eret diehtodorvoákkaid dihte. Ovttaskas šleađgaboastasáddaga sturrodat čuovusfiillainis sáhttá leat eanemusat 20 megastávvala.
Dorvodieđáhusa sádden
Áššegirjjiid, mat gáibidit várrugasvuođa, ja mat galget dollojuvvot suollemassan, sáhttet sáddejuvvot riekteministeriija dorvodieđáhusa (suomagillii) bakte. Bálvalusa geavaheapmi lea nuvttá ja dorvvolaš.
Go sáddet dorvodieđáhusa alimus rievtti virgedoaimmahaga šleađgabostii (korkein.oikeus[at]oikeus.fi), de ilmmut dieđáhusa bajilčállosis, sisdoalus ja čuvvosiin doarvái bures iežat ášši dovddaldatdieđuid (mii áššegirjjiid lea gažaldagas, man čovdosii ášši gullá), vai du ášši sáhttá gieđahallojuvvot rivttes vuogi mielde.