Lahtut ja bargoveahka
Alimus rievttis leat barggus sullii 75 olbmo, geain láhkaollašuhttinbargoveahka lea sullii 45 ja eará bargoveahka sullii 30. Alimus rievtti presideantta ja lahtuid nammada dásseválddi presideanta. Vuolggasajis sii nammaduvvojit virgái bissovaččat.
Presideanta
Alimus rievtti presideanta lea Tatu Leppänen. Presideanta Leppänen lea iehčanas Suoma 14. alimus rievtti presideanta. Son nammaduvvui bargosis 1.9.2019. Presideanta váldá oasi virgedoaimmahaga jođiheami lassin maiddái ovttaskas láhkaollašuhttináššiid čoavdimii juhkosiin.
Lahtut dahjege vuoigatvuođaráđit
Alimus rievtti virggis doaibmi lahtut leat vuoigatvuođaráđit. Sii leat ovdal nammadusaset bargan iešguđetlágan láhkaalbmádoaimmain dego duopmárin, ášševuoddjin, áššáskuhttin, láhkaválmmaštallin dahje vuoigatvuođadiehtaga dutkin. Alimus rievttis sii oassálastet juhkosiin juohkelágan áššiid gieđahallamii.
Alimus rievttis galgá lága mielde leat presideanta ja unnimustá 15 lahtu. Dál leat lahtut presideantta lassin 18.
Soalddátlahtut
Soalddátriektegeavvanáššiid gieđahaladettiin vihttalahttosaš juhkosa dievasmahttet guokte soalddátlahtu.
Kansliijahoavda
Alimus rievtti kansliijahoavda fuolaha presideantta lagamus veahkkin virgedoaimmahaga áššáigullevas doaimmas.
Áššemeannudeaddjit
Alimus rievtti áššemeannudeaddjit, geaid virgenamahusat leat vuoigatvuođačállit dahje áššemeannudeaddji ráđđeolbmot, válmmaštallet alimus rievtti mearrideami várás boahtti láhkaollašuhttinnáššiid ja ovdanbuktet daid čoahkkimis čovdosa dahkki juhkkosii. Áššemeannudeaddjit fuolahit oktavuođadoallamis áššáiosolaččaide ja riektegeavvama olgguldas jođu lágideamis.
Alimus rievtti áššemeannudeaddjin nammaduvvojit iešguđetlágan láhkaalbmábargguin doaibmi hárjánan láhkaalbmát. Alimus rievttis doibmet sullii 25 áššemeannudeaddji. Áššemeannudeaddjiid nammada alimus rievtti dievasčoahkkin.
Eará bargoveahka
Eará bargoveaga stuorámus oktonas ámmátjoavku lea láhkaollašuhttinbargoaveaga veahkeheaddji ossodat- ja doaimmahatčállit. Hálddahussii gullet hálddahuskansliija, registrerenkantuvra, gulahallan ja diehtobálvalusa bargoveahka ja virgedoaimmahtmeaštárat.