Tatu Leppänen

Riegádan 1968. Riektediehtaga kandidáhta, riektediehtaga lisensiáhta 1992. Várreduopmár 1994 ja riektediehtaga doavttir 1998. Jođiheami spesiálaámmátdutkkus 2013.

Helssega universiteahta riektediehtaga dieđagotti proseassarievtti vs. assisteanta ja veahkkeruhtadutki 1991–97, proseassarievtti assisteanta 1997–02, má. badjeassisteanta 1997–98 ja doseanta jagi 2002 rájes. Helssega diggerievtti notára 1993–94, alimus rievtti má. ášševálmmastalli 1995–96. Áigodagat má. ášševálmmastallin ja má. boarrásit riekteáittardeaddjičállin riikkabeivviid riekteáittardeaddji kansliijas 1996–99.

Riekteministeriija láhkaválmmastallanossodaga má. spesiálaáššedovdin 2000–01, má. láhkaásahanráđđi ja láhkaásahanráđđi 2001–06 ja 2008–09. Vantaa diggerievtti má. diggeduopmár 2007–08 ja diggeduopmár 2010–14. Helssega hoavvarievtti má. hoavvariekteráđđi 2010. Hyvinkää diggerievtti lágamánni 2014–16. Alimus rievtti lahttu ja riekteráđđi 1.9.2016–31.8.2019. Alimus rievtti presideanta 1.9.2019 rájes.

Doaibman ságadoallin, lahttun dehe áššedovdin eatnatlohkosaš sierra bargojoavkkuin riekteministeriija hálddahussuorggis. Čállán publikašuvnnaid ja doaibman luohttámušbargguin. Dutkan-, oahpahus- ja láhkaválmmastallanbarggus vudjon proseassariektái, earenoamážit siviilaproseassa--, duođaštallan- ja bággobearranrievtti surggiide.